VOL 1 · LEVELS 1–8 · STAGES A · B

Zero to Hero

DYNAMICS 365 CRM

من الصفر للاحتراف

الدليل العملي الشامل خطوة بخطوة

FUNCTIONALTECHNICALSOLUTION ARCHITECT

تأليف جون يسى

رحلتك في الكتاب

72 Chapter في 16 Level، متجمعين في 5 مراحل — كل مرحلة بتقفل بدور وظيفي. الكتاب في جزئين: الجزء الأول (اللي إنت بتقرأه دلوقتي) فيه Stage A وB، والجزء الثاني هيكمل من C لـ E.

A
CRM-LITERATE USER ← الأساسيات
من الصفر لعالم البيزنس الرقمي، وأساسيات CRM، وتجهيز معملك
Levels 1–3 · Chapters 1–10
متاح في هذا الجزء
B
JUNIOR FUNCTIONAL CONSULTANT ← القلب الـFunctional
Customer Engagement، وDataverse من جوه، وModel-Driven Apps، وSecurity، وBusiness Processes
Levels 4–8 · Chapters 11–35
متاح في هذا الجزء
C
FUNCTIONAL / APP CONSULTANT ← المنصة والتسليم
إدارة الـSolutions والALM، وBA وFunctional Consulting، وPower BI، ومنظومة الـPower Platform
Levels 9–12 · Chapters 36–51
الجزء الثاني — قريبًا
D
TECHNICAL CONSULTANT / ARCHITECT ← المسار التقني
Power Automate المتقدم، الـAI والCopilot والAgents، وArchitecture والPro-Dev
Levels 13–15 · Chapters 52–67
الجزء الثاني — قريبًا
E
JOB-READY CANDIDATE ← جاهز للشغل
بنك أسئلة الـInterview الكامل، سيناريوهات، وMock Interviews
Level 16 · Chapters 68–72
الجزء الثاني — قريبًا
Welcome

المقدمة

قبل ما نبدأ: الكتاب ده إيه، ولمين، وإزاي تستفيد منه لأقصى درجة.

ليه الكتاب ده؟

لو فتحت الكتاب ده، فغالبًا إنت في واحدة من تلات حالات: سمعت عن Dynamics 365 وعايز تدخل المجال، أو شغال فيه فعلًا وحاسس إن فيه حتت ناقصة، أو عارف الـfeatures كويس وعايز تنقل نفسك لحد بيصمّم ويقرّر. الكتاب ده معمول للتلاتة.

المحتوى المتاح عن Dynamics 365 كتير، بس أغلبه متفرّق: فيديو بيشرح feature، ومقال بيحل مشكلة، وصفحة documentation بتقولك الزرار ده بيعمل إيه، واللي بيفضل ناقص هو المسار. تبدأ منين، وتروح فين بعدها، وإزاي بتحط كل حتة بتاعها بجانب اللي قبلها. Microsoft Learn مرجع ممتاز — وهترجعله كتير — لكنه بيقولك الـfeature بيعمل إيه، ولا بيقولك إمتى تختارها بين إيه وإيه، ولا إيه اللي هيحصل بعد سنة لو اخترت غلط. والفرق ده هو بالظبط الفرق بين حد بيعرف Dynamics 365، وحد بيشتغل Consultant فيه.

الفكرة اللي الكتاب كله مبني عليها

الكتاب مش هيعلّمك أسماء الـfeatures وخلاص. هيعلّمك تفكّر زي Consultant، في كل مشكلة، بنفس الترتيب:

1 Requirement 2 Design 3 Tool Selection 4 Build 5 Test 6 Deploy 7 Support

وكل Chapter بيقفل بنفس السؤال: «لو العميل طلب ده، هتعمله إزاي؟ وليه بالطريقة دي بالذات؟». لو قدرت تجاوب السؤال ده بثقة في آخر كل Chapter، يبقى الكتاب عمل اللي عليه.

الكتاب ده لمين؟

ركّز علىإنت مينالمستوى
Stage A وB بالترتيبطالب، خريج جديد، أول مرة يتعامل مع CRMBEGINNER
Stage B وCCRM Admin، Functional Consultant، أو Power Platform MakerINTERMEDIATE
Stage C وDDeveloper أو Technical ConsultantADVANCED
Stage DSolution Architect أو Senior ConsultantARCHITECT

هتخرج من الكتاب بإيه؟

  • فهم حقيقي لـ CRM كبيزنس قبل ما يكون سيستم.
  • قدرة عملية تصمّم وتبني Dynamics 365 solution كاملة: Data model وSecurity وApps وAutomation.
  • خبرة عملية في Sales وCustomer Service وContact Center وField Service وCustomer Insights.
  • أساس Technical قوي: JavaScript وPlug-ins وWeb API وIntegration وALM.
  • فهم واضح للـAI وCopilot والـAgents، وإمتى تستخدمهم وإمتى لأ.
  • Portfolio جاهز: Documentation كاملة بالـSolution لشركة JohnYassa، والـSource code.
  • استعداد للانترفيوهات: Quiz في آخر كل Chapter، وLevel كامل في الآخر فيه أكتر من 270 سؤال بإجاباتها، وسيناريوهات ومحاكاة Mock Interviews بجدول تقييم.

اختار طريقك في القراءة

مش لازم كل الناس تقرأ الكتاب بنفس الطريقة. اختار المسار اللي يناسبك:

Functional

اقرأ Stage A بسرعة، وركّز في B وC بالتفصيل. Level 14 (الـAI وCopilot) اختياري بس هيفرق معاك، وخلّص بـLevel 16.

جديد تمامًا

اقرأ بالترتيب من الأول للآخر، واعمل كل Lab قبل ما تكمل. ما تستعجلش.

بتحضر لشهادة

ابدأ بحالة الشهادات في Chapter 68، واعرف متطلبات الـExam من Microsoft Learn، وارجع للـChapters المرتبطة بيها، وحل الـQuiz المرتبط في آخر كل Chapter.

Developer جاي من .NET

A وB بسرعة عشان تفهم البيزنس، ويعدّين Level 9 (الـALM)، وركّز على Stage D على Level 13 وChapter 70.

JohnYassa: الشركة اللي هنبنيها CRM لها

بدل Labs متفرقة ملهاش علاقة ببعض، الكتاب كله ماشي على شركة تدريبية واحدة اسمها JohnYassa، على اسم المؤلف عشان نفضّل تكييف أنظمة لعملاء B2B زي المولات والمستشفيات والشركات، وعملاء B2C زي أصحاب الفلل والشقق، وليها مقر في القاهرة وفرع في دبي.

اخترنا النشاط ده لأنه بيشغل كل حتة في Dynamics 365 بشكل طبيعي: مبيعات بعروض أسعار وعقود، وشكاوى بـSLA وفنيين في الميدان، وحملات تسويق موسمية، وعملتين، ولغتين. وفي آخر الكتاب هتبقى معاك Managed solution شغالة، وRepo على GitHub، وDocumentation كاملة — الـPortfolio اللي هتدخل بيه الانترفيو.

اصطلاحات الكتاب

عشان نتنقّل بسرعة، هتلاقي العلامات والصناديق دي في كل جزء من الكتاب:

ARCHITECTADVANCEDINTERMEDIATEBEGINNERVERSION-DEPENDENT

مستوى كل جزء، عشان تعرف تقفز للي يناسبك من غير ما تتوه. والعلامة الرمادية تعني إن المحتوى ممكن يتغيّر مع تحديثات Microsoft، وجنبها تاريخ آخر مراجعة.

💡
نصيحة Consultant

خبرة من المشاريع الحقيقية: القرار الصح وليه هو الصح.

⚠
غلطة شائعة

الغلطات اللي بتتكرر في المشاريع، وإزاي تتجنّبها من الأول.

⇄
Legacy vs Modern

features قديمة لسه موجودة في مشاريع كتير، وإيه البديل الحديث ليها.

💬
Interview Corner

سؤال بيتسأل فعلًا في الانترفيوهات، وإيه المحاور عايز يسمعه.

🗂

أسماء الشاشات بالإنجليزي — أسماء الشاشات والأزرار زي ما هي في السيستم بالظبط، عشان متتلخبطش وإنت بتطبّق.

هتحتاج إيه قبل ما تبدأ؟

  • لابتوب وإنترنت — مفيش حاجة هتتسطّب على جهازك في أول مرحلتين.
  • Environment تتدرّب عليه: Dynamics 365 trial أو Power Apps Developer Plan المجاني — هنعمله سوا خطوة بخطوة في Chapter 7.
  • إنجليزي كفاية تقرأ بيه الـUI وMicrosoft Learn.
  • مش محتاج تعرف تبرمج لحد Stage D، وهناك هنبدأ من الأساس.

كلمة عن التحديثات

Dynamics 365 والـPower Platform بيتحدّثوا باستمرار؛ أسماء بتتغيّر، وfeatures بتظهر، وfeatures تانية بتختفي. عشان كده الكتاب بيفصل بين المفاهيم الثابتة اللي مش هتتغيّر، والتفاصيل اللي بتتغيّر مع كل تحديث. كل Chapter عليه تاريخ Last Verified، وكل حاجة ممكن تتغيّر عليها علامة Version-dependent.

ومن سبتمبر 2026، Microsoft وقفت نشر الـRelease Plans بشكلها القديم وبقيت بتنشر خطط التطوير على AI at Work roadmap — وده المصدر اللي هنتابع منه التحديثات مع بعض.

كلمة أخيرة قبل ما نبدأ

الكتاب ده مش هيخليك Consultant لو قريته وبس. هيخليك Consultant لو عملت كل Lab، وغلطت، ورجعت صلّحت، وسألت نفسك في كل خطوة: «ليه؟». خد وقتك، وامشي خطوة بخطوة.

يلا بينا نبدأ.

خلّصت المقدمة؟ باقي فصول الكتاب في الطريق — تقدر تتفرّج على الفهرس الكامل وتعرف إيه الجاي.

فهرس الكتاب الكامل

72 Chapter في 16 Level، بننشرهم بالترتيب. اللي شغال دلوقتي: المقدمة. الباقي في الطريق 👇

JY
جون يسىMicrosoft Dynamics 365 CRM Tech Lead · أبوظبي، الإمارات
تعرف على جون أكتر ←